6 gushti - Shpërfytyrimi i Zotit

Më 6 gusht Kisha Ortodokse Bullgare kremton festën e madhe të krishterë Shpërfytyrimin (Metamorfoza) e Zotit. Kremtja u vendos në shekujt e parë të krishterimit dhe na kujton një nga ngjarjet e rëndësishme ungjillore të udhëtimit tokësor të Shpëtimtarit.

Sipas Ungjijve Jezu Krishti dhe apostujt Pjetër, Jakob dhe Gjoni ngjiten në malin Tabor në Galile (Mali i Shndërrimit) për lutje. Aty të tre apostujt ulen për të pushuar dhe për të fjetur. Kur zgjohen, shohin Jezusin që shkëlqen dhe dëgjohet një zë nga qielli: “Ky është Biri im i dashur. Dëgjoje atë”.

Sipas Shkrimeve të ShenjtaDitën e shpërfytyrimit, Jezu Krishti u tregon dishepujve të tij imazhin e tij hyjnor dhe u zbulohet atyre. Lavdia hyjnore që shndrit mbi fytyrën e Krishtit vjen për të na garantuar zanafillën hyjnore të tij. Ai është Biri i dashur që Ati Qiellor e dërgoi për të shpëtuar botën.

• Shpërfytyrimi i Krishtit - festa më e nderuar e krishtere

Sipas kalendarit folklorik bullgar më 6 gusht fillon metamorfoza e natyrës. Dielli i kthen shpinë verës dhe tashmë është me fytyrë nga dimri, lejlekët mblidhen në tufa para se të largohen.

Metamorfoza e Zotit është në mes të kreshmëve të gushtit dhe sot mund të hahet peshk dhe produkte peshku.