Mërkurë 6 Shtator 2023 06:52
Mërkurë, 6 Shtator 2023, 06:52
FOTO: BTA
Madhësia e shkronjave
Ditë zie në kujtim të viktimave të përmbytjeve të së martës në bregun jugor të Detit të Zi është shpallur për sot në Carevo. Anulohet koncerti festiv në qytet me rastin e Ditës së Bashkimit të Bullgarisë.
Në qytetin bregdetar, kleri bullgar do të lutet për shëndet dhe shpëtim, njoftoi korrespondentja e BNR Daniella Kostadinova. Dy persona janë konfirmuar të vdekur, dy të tjerë janë në kërkim. Nuk ka raportime për persona në vështirësi në të gjithë territorin e komunës. Rruga për në Varvara dhe Ahtopoll është e hapur dhe ura është e kalueshme. Rruga për në Sinemorec mbetet e mbyllur për momentin për shkak të një ure të përmbytur. U krijua një organizim për të shpërndarë ushqime dhe pije për njerëzit në Sinemorec. Qasja në fshatin Kosti të Stranxhës mbetet e vështirë.
Nuk pritet përkeqësim i situatës meteorologjike.
Komuna e Primorskos gjithashtu anuloi manifestimet skenike me rastin e Ditës së Bashkimit të Bullgarisë për shkak të situatës së rëndë në komunën fqinje të Carevos, dhe 6 shtatori do të nderohet vetëm me një ceremoni të vendosjes së kurorës në monumentin e Vasill Levskit.
Programet e festave u anuluan edhe në një sërë qytetesh të tjera të vendit në shenjë solidariteti për banorët dhe mysafirët e komunës së Carevos të prekur nga fatkeqësia, njoftoi korrespondenti i BNR Stojan Radev.
Publikoi / Publikuan: БНР екип