Lajm
Ministrja e turizmit Zarica Dinkova: 4000 turistë u prekën nga përmbytjet
Mërkurë 6 Shtator 2023 09:48
Mërkurë, 6 Shtator 2023, 09:48
FOTO: BGNES
Madhësia e shkronjave
Për momentin janë identifikuar trupat e tre viktimave – dy burra dhe një grua. Vazhdojnë kërkimet për dy femra. Nuk ka raportime të reja për persona të zhdukur, njoftoi MPB. Ekipet policore rregullojnë komunikacionin në të gjitha rrugët në territorin e Komunës së Carevos. "Rreth 4 000 turistë u prekën nga përmbytjet. Të gjithë janë në gjendje të sigurt, me ushqim dhe ujë të siguruar," tha ministrja e turizmit Zarica Dinkova, e cila vizitoi plazhin e Nestinarkës.
Ura te Sinemorec tashmë është e kalueshme, kështu që të gjithë që ndodhen në Rezovo dhe Sinemorec mund të tërhiqen në drejtim të veriut. Ekipet kryejnë kontroll mbi pasurinë e dëmtuar apo të shkatërruar të qytetarëve, me qëllim parandalimin e akteve të grabitjes. Zjarrfikësit marrin pjesë në pompimin e ujit nga katet përdhese të hoteleve dhe shtëpive dhe janë të përfshirë në sigurimin e ushqimit për ata që kanë nevojë. Vullnetarët po punojnë në terren në fshatin Kosti të dëmtuar rëndë dhe po ndihmojnë popullsinë vendase.
Publikoi / Publikuan: БНР екип