Lajm
BNR promovoi një version të ri të këngës së njohur folklorike bullgare "U përmbys mali"
Hënë 2 Tetor 2023 10:07
Hënë, 2 Tetor 2023, 10:07
FOTO: Ani Petrova
Madhësia e shkronjave
50 vjet pas regjistrimit të parë të "U përmbys mali", Radioja Kombëtare Bullgare /BNR/ promovoi një version të ri të këngës së njohur popullore bullgare. Shfaqja është me pjesëmarrjen e Korit të Radios për Fëmijë, Orkestrës Simfonike dhe Orkestrës së Muzikës Popullore të BNR-së. Akademiku i ndjerë maestro Hristo Nedjallkov, e futi këngën në repertorin e korit, duke e ftuar kompozitorin Julian Sllabakov të bënte një aranzhim të këngës së Stefka Sëbotinovës.
Sot “U përmbys mali” interpretohet nga formacionet korale të BNR-së.
Dirigjentja e regjistrimit është drejtuesja e tanishme e Korit të Radios për Fëmijë, Venecia Karamanova. Regjisori i klipit është Ljubo Marinov, ndërsa kameramani është Bojan Karamfillov.
BNR do të vazhdojë të jetë producent i shfaqjeve të Korit të Radios për Fëmijë, Orkestrës Simfonike dhe Orkestrës së Muzikës Popullore. Është duke u përgatitur një incizim i ri.