37 bullgarë dhe familjet e tyre duan të largohen nga Rripi i Gazës

Ministria e Punëve të Jashtme nuk është informuar për shtetas bullgar të rrëmbyer. MPJ-ja është në kontakt me misionet tona diplomatike, njoftoi ministrja e jashtme Maria Gabriel, cituar nga Televizioni Kombëtar Bullgar BNT. Aktualisht 37 shtetas bullgarë dhe familjarët e tyre kanë kërkuar ndihmë për t'u larguar nga Rripi i Gazës. "Ne jemi në kontakt me ambasadat në Tel Aviv, Kajro dhe Ramallah. Po kërkojmë mundësi për të ndihmuar në evakuimin e tyre. Një gjë e tillë nuk është e mundur për momentin, pasi nuk ka marrëveshje për të hapur postbllokun e Rafahut", shpjegoi Gabriel.

Gabriel deklaroi se Ministria e Punëve të Jashtme ende nuk ka marrë informacion nga autoritetet zyrtare në shtetin e Izraelit se në mesin e pengjeve të “Hamasit” ka edhe një shtetas bullgar. "Ambasada bullgare në Tel Aviv është në kontakt të vazhdueshëm me autoritetet izraelite dhe po vazhdojmë të monitorojmë çështjen," tha ajo.

Foto: BGNES