Presidenti vendosi veto mbi liberalizimin e tregut vendas të energjisë elektrike

Presidenti Rumen Radev vendosi veto mbi ndryshimet në Ligjin për Energjetikën, i cili parashikon liberalizimin e plotë të tregut të energjisë elektrike për konsumatorët familjarë deri në vitin 2026. “Standardi i jetesës së shumicës së qytetarëve bullgarë mbetet më i ulëti në BE dhe ndryshimet e planifikuara mund ta vështirësojnë edhe më njerëzit që tashmë e kanë të vështirë të përballojnë shpenzimet e tyre bazë të jetesës”, theksohet në arsyet. Presidenti dyshon se sa efektive do të jetë periudha e planifikuar e tranzicionit, në të cilën konsumatorët familjarë do të kompensohen nga korriku 2024 e deri në liberalizimin e plotë të tregut, parashikuar për fundin e vitit 2025. Radev paralajmëron gjithashtu se eliminimi i furnizuesit publik do të çojë në mbylljen e shpejtë të minierave të qymyrit “Marica-Lindje”.