Artikull
Dy ditë me traditat e bullgarëve besarabë në Sofje
Shtunë 21 Tetor 2023 07:05
Shtunë, 21 Tetor 2023, 07:05
Madhësia e shkronjave
Më 21 dhe 22 tetor para Pallatit Kombëtar të Kulturës në Sofje mbahet Festa e Bullgarëve të Besarabisë. Veprimtaria është pjesë e programit të festimit të Ditës së Bullgarëve Besarabë - 29 tetorit. Ajo lidhet me datën e shenjtërimit të kishës “Shpërfytyrimi i Shenjtë i Zotit”, të cilin bullgarët besarabë në Bolgrad e ndërtuan në shenjë mirënjohjeje që iu dha mundësia për të jetuar të lirë dhe me dinjitet.
FOTO: pia-news.com
Njëqind vjet më vonë, tashmë në Bullgari ekziston një komunitet i madh bullgarësh besarabë që marrin pjesë aktive në ndërtimin e vendit tonë dhe prej tyre vjen iniciativa për të pasur një ditë të tillë që forcon marrëdhëniet mes bullgarëve në vendin tonë dhe bashkatdhetarëve tanë në rajonin e Besarabisë, që mbulon territore nga Moldavia dhe Ukraina.
Agjencia Ekzekutive për Bullgarët Jashtë Shtetit e organizon këtë festival që nga viti i kaluar. Në të prezantohen traditat e ruajtura nga bullgarët besarabë.
Sipas drejtoreshës ekzekutive e Agjencisë Rajna Manxhukova: “ Ideja e kësaj feste është edhe në këtë se bullgarët besarabë nga Ukraina, nga Moldavia dhe bullgarët nga Bullgaria të mblidhen për të kujtuar atë që shkruhej qysh në vitin 1838 në numrin e vetëm të gazetës “Besarabia Bullgare” se bullgarët besarabë janë mishi prej mishit dhe gjaku prej gjakut të Bullgarisë.”
Lexoni më shumë:
- Dita e bullgarëve të Besarabisë është festë e shpirtit bullgar
- Folklori i bullgarëve besarabë frymëzon një nga veprat më të rëndësishme të akademikut Nikollaj Kaufman
- Identiteti për bullgarët besarabë është gjëja më e sigurt që ata kanë
- Zhorzhe Kosikov me mirënjohje për studimin e historisë së bullgarëve të Besarabisë