Prodhuesit tashmë po e shesin drithin me çmime më të ulëta

Në muajt e fundit, gruri i bukës eksportohet nga Bullgaria në Lindjen e Largët dhe Afrikën Veriore, tha Presllav Borisov nga menaxhmenti i Bashkimit të Fermerëve Bullgarë. Blerës ka në Tajlandë, Egjipt, Jordani dhe vende të tjera."Por i gjithë sektori është në një situatë shumë të vështirë, madje të rrezikshme. Thatësira ndikoi shumë negativisht në rendimentet, veçanërisht te misri dhe luledielli, e kombinuar ndoshta me kostot më të larta të prodhimit dhe, në fund të fundit, me çmime të ulëta", komentoi Borisov.Në tregjet ndërkombëtare, gruri i bukës kuotohet në një nivel rekord të ulët prej 213 euro për ton. Është e vështirë të gjenden blerës për shkak të rënies së konsumit në shkallë ndërkombëtare dhe kjo po i shtyn çmimet në rënie, shtoi kryetari i bashkimit, Georgi Stojanov, cituar nga gazeta “Sega”.