Gjykata e Lartë Administrative do të shqyrtojë kazusin me makineritë për votim

Më 30 tetor, Gjykata e Lartë Administrative do të shqyrtojë vendimin e Komisionit Qendror të Zgjedhjeve - KQZ, për të mos votuar me makineri në zgjedhjet për pushtetin vendor. Procesi u caktua për në orën 14:30. Më 28 tetor, KQZ-ja vendosi të mos votohet me makineri, sepse mori një raport nga Agjencia Shtetërore për Sigurinë Kombëtare, se zëvendësministri i qeverisjes elektronike Mihaill Stojnov filmoi hap pas hapi krijimin e kodit burimor të makinerive dhe më pas e mori me vete në një flash drive. Sipas Agjencisë, por edhe sipas KQZ-së, kjo cenon besimin në votimin me makinë. Pas vendimit të KQZ-së, në Gjykatën e Lartë Administrative u paraqitën 8 ankesa, duke përfshirë edhe nga koalicioni qeverisës "Po e vazhdojmë ndryshimin - Bullgaria Demokratike". Sipas ligjit për çështjet zgjedhore, gjykata duhet të caktojë procesin brenda tri ditëve.