Një forum ndërkombëtar në Sofje diskuton tregun e punës në Ballkanin Perëndimor

Punësimi është një nga hallkat e dobëta në vendet e Ballkanit Perëndimor. Ka një sektor shumë të lartë joformal në ekonomi, rrjedhje të kuadrove dhe shpopullim. 60% është sektori joformal në Kosovë, tha Veselin Mitov, sekretar ndërkombëtar i sindikatës “Podkrepa”, në hapjen e konferencës ndërkombëtare: “Punësimi i denjë dhe siguria sociale në Ballkanin Perëndimor – nga specifikat rajonale në një të ardhme të përbashkët evropiane”. Ndër problemet kryesore, Mitov vuri në dukje "rrjedhjen jo vetëm të trurit, por në përgjithësi të të gjitha llojeve të fuqisë punëtore". Ky është një problem edhe për Bullgarinë, theksoi eksperti.

Maria Minçeva, zëvendës kryetare e Dhomës së Ekonomisë Bullgare, vuri në dukje se Ballkani nuk shfrytëzon potencialin e tregut të bashkuar rajonal. Ne vazhdojmë të jemi të shtyrë nga e kaluara, jo nga e ardhmja, tha ajo.