Deklaratat lakonike të pjesëmarrësve në betejën për kryetar të bashkisë së Sofjes

Kandidati për kryetar të bashkisë së Sofjes nga PP-DB dhe “Shpëto Sofjen” Vasill Terziev, i cili sipas exit poll-it fiton zgjedhjet në kryeqytet, falënderoi të gjithë ata që votuan për të. Ai dhe stafi i tij do të mbajnë një konferencë për shtyp të hënën, më 6 nëntor, kur të dalin rezultatet përfundimtare.

Edhe Vanja Grigorova, e cila sipas exit poll-it zë vendin e dytë në "betejën" për Sofjen, ashtu si kundërshtari i saj, tha se do të presë rezultatet përfundimtare.

“Ne u dhamë qytetarëve shpresë dhe u ofruam atyre rrugën drejt lirisë. Pavarësisht problemeve që pamë në ditën e zgjedhjeve dhe njollosjes, ne mbetemi me shpresë. Ne mendojmë se ajo është gjallë dhe mendojmë se liria është e arritshme. Mëngjesi është më i mençur se mbrëmja”, tha ajo.