Kryetari i ri i bashkisë së Sofjes do të bashkëpunojë për çmontimin e Monumentit të Ushtrisë Sovjetike

Monumenti i Ushtrisë Sovjetike duhet të shkojë në Muzeun e Artit Socialist, në Buzlluxha, ose kudo që vendoset të zhvendoset, tha kryetari i ri i kryeqytetit Vasill Terziev, në përgjigje të pyetjes së një gazetari. Ai shtoi se bashkia do të bëjë gjithçka që varet nga ajo.

Vasill Terziev nuk është i shqetësuar për qëllimin e Vanja Grigorovës,  e cila humbi zgjedhjet, për të kundërshtuar rezultatet në gjykatë. Sipas fjalëve të tij, ka shumë veprime në dëm të tij: "Në seksionet, ku kam 120 vota, shkruajnë zero, rezultate të kundërta, megjithëse unë kam më shumë vota se zonja Grigorova ."

Vasil Terziev deklaroi se do të kërkojë pika kryqëzimi me të gjithë në Këshillin Bashkiak dhe shtoi se në të ardhmen teknologjitë do të përdoren gjithnjë e më shumë në bashki dhe në marrëdhëniet me bizneset dhe qytetarët. Ekipi i ri do të punojë për zhvillimin e ekonomisë moderne inovative, theksoi kryebashkiaku i ri.