KE do të hetojë Bullgarinë për shkak të sanksioneve të anashkaluara nga "Lukoil"

Komisioni Evropian do të hetojë Bullgarinë pasi u bë e qartë se kompania ruse "Lukoil" përfitoi nga zbrazëtitë në sanksionet e Bashkimit Evropian për të fituar 1 miliard euro për nevojat ushtarake të Kremlinit. Këtë e njoftoi “Politico”, cituar nga korrespondentja e BNR në Bruksel, Angelina Piskova.

Ndërkohë, botimi publikoi një hetim, sipas të cilit nga marsi deri në korrik të këtij viti "Lukoil Neftofim Burgas" eksportonte karburante të prodhuara nga nafta ruse. Tregohen dy ngarkesa – 265 mijë ton naftë të dorëzuar në portin e Roterdamit, dhe një tjetër, transborduar afër Maltës dhe devijuar në Florida.

"Ne i kushtuam vëmendje kësaj dhe kërkuam nga bullgarët të japin një shpjegim", tha para Politico një përfaqësues i lartë i Komisionit Evropian, i cili deshi të mbetet anonim.