Deputetët hodhën poshtë votën e mosbesimit ndaj qeverisë

Votimi i mosbesimit ndaj qeverisë për "dështim për t'u përballur në fushën e sigurisë kombëtare dhe mbrojtjes" dështoi, transmetoi reporteri i BNR, Daniell Inkov. Votimi mblodhi vetëm 71 vota “pro” nga propozuesit “Vëzrazhdane”, Partia  Socialiste Bullgare /BSP/ dhe “Ka një popull të tillë” /ITN/.

Javën e kaluar të enjten nuk pati kuorum për rivotimin e kërkuar, mbledhja nuk filloi edhe të premten, sërish për mungesë kuorumi.

Nga 226 deputetë që votuan sot, 155 u deklaruan “kundër”. Grupi parlamentar GERB-SDS nuk e mbështeti votimin, por një deputet votoi “pro”.

Për herë të parë pas refuzimit të votës, nuk kishte deklarata të deputetëve të opozitës për ta justifikuar votimin.