Sipas kryeministrit Denkov “Bullgaria është objektivi i sulmeve hibride të synuara nga Rusia”

“Në historinë e saj të re, Bullgaria ka qenë objekt i përpjekjeve për dominim - disa prej tyre të suksesshme, nga Perandoria Ruse. Fatkeqësisht, këto orekse të Rusisë vazhdojnë edhe sot, dhe vendi ynë është subjekt i sulmeve hibride të synuara.” Këtë e deklaroi kryeministri Nikollaj Denkov para Parlamentit Evropian në një debat me temë: “Kjo është Evropa”, transmeton BGNES. Sipas kryeministrit, shërbimet sekrete të Putinit po përfitojnë nga lidhjet tona ekonomike me Rusinë, si dhe nga lidhjet historike dhe kulturore mes dy popujve, për të përçarë dhe antagonizuar shoqërinë tonë. “Prandaj anëtarësimi i Bullgarisë në BE dhe NATO është garancia më e madhe për vazhdimin e rrugës evropiane të vendit tonë. Kjo është arsyeja pse ne duhet të përfundojmë orientimin tonë euroatlantik me aderimin tonë në Shengen dhe në Eurozonë”, tha Nikolai Denkov.