Një bullgare nga Spanja dhe redaktore në Radio Bullgarinë u nderua në një konkurs për libra kuzhine

“Libri i gatimit për fëmijët e mëdhenj” me receta dhe ilustrime të autores bullgare Alja Markova fitoi dy çmime nga Çmimet Ndërkombëtare Gourmand World Cookbook Awards. Këtë e bëjnë të ditur botuesit nga "List". Çmimet janë në kategoritë "Ilustrim" dhe "Libri më i mirë në Evropën Lindore". Autorë nga 205 vende morën pjesë në edicionin e 29-të të Gourmand World Cookbook Awards të mbajtur këtë vit në Riad. “Libri i gatimit për fëmijët e mëdhenj” mbledh 14 receta për gjellë me kripë dhe po aq për ëmbëlsira dhe ushqime të ëmbla. Recetat janë paraqitur si komik.

Alja Markova ka lindur në Bullgari, por është rritur në Spanjë. Ajo ka krijuar një blog të saj, ku prezanton recetat e saj në vizatime dhe disa prej tyre janë mbledhur në “Libri i gatimit për fëmijët e mëdhenj”. Aktualisht Alja Markova punon si redaktore në Redaksinë e Gjuhës Spanjolle të Radio Bullgarisë.

• Alja Markova nga “Radio Bullgaria” - në Top 4 të Çmimeve Gourmand World Cookbook

• Shije të mira dhe argëtim me Alja Markovën mes Bullgarisë dhe Spanjës

Foto: arkiv personal