Është liruar gruaja me origjinë bullgare e rrëmbyer nga Hamasi në Gazë

Gjatë shkëmbimit të pengjeve mes Izraelit dhe grupazheve në Rripin e Gazës, u lirua Meiraf Tali - gruaja me origjinë bullgare, e cila mbahej peng nga Hamasi për gati dy muaj. Këtë e ka konfirmuar edhe babai i saj i dytë Nesim Alfandari. Ai tha për Televizionin Kombëtar Bullgar /BNT/ se vajza e tij aktualisht ndodhet në spital për t'iu nënshtruar të gjitha ekzaminimeve të nevojshme dhe më pas do të shkojë në shtëpi. Meiraf Tali u rrëmbye më 7 tetor në Kibbutz Nir Oz - 5 kilometra nga kufiri i Gazës, ku ajo ishte për vizitë. Babai biologjik i Meirafit, i cili ka vdekur, është bullgar. Prandaj, familja e saj po përpiqej të merrte një pasaportë bullgare për Meiraf Talin, me shpresën se kjo do ta ndihmonte lirimin e saj.