Në ditën e Shën Andrea të Parëthirrurit u lutën për shëndetin e Patriarkut bullgar Neofit

Më 30 nëntor, Kisha Ortodokse përkujton kujtimin e Apostullit Andrea të Parëthirruri. Së bashku me vëllain e tij Pjetrin, ai ishte ndër dishepujt e parë të thirrur nga Jezu Krishti në bregun e liqenit të Gjenesaretit, për ta ndjekur atë dhe nga peshkatarët për t'u bërë "gjuetarë shpirtrash". Pas Ngjitjes së Zotit Krisht në Qiell, kur apostujt shkuan për të predikuar në vende të ndryshme, Apostulli Andrea kaloi përgjatë bregut të sotëm bullgar të Detit të Zi dhe shkoi për të predikuar në vendet në veri.

• Nderojmë shenjtorin Andrea i cili predikonte fenë e krishterë në trojet e Bullgarisë së sotme

Pas liturgjisë solemne për festën e Shën Andreas në kishën e Fakultetit Teologjik të Universitetit të Sofjes, u mbajt lutja për shëndetin e Patriarkut bullgar Neofit. Kreu 78-vjeçar i Kishës Ortodokse Bullgare u shtrua në spital për shkak të përkeqësimit të një sëmundjeje kronike të mushkërive. Gjatë trajtimit, mbledhjet e Sinodit të Shenjtë sipas vjetërsisë drejtohen nga Mitropoliti i Veliko Tërnovos Gregorij, njoftuan nga Sinodi.