Do të investohen 500 milionë euro për trajnimin digjital të 660 mijë bullgarëve

Aftësitë digjitale të bullgarëve janë në nivel të ulët dhe mbeten prapa në digjitalizim. Sipas këtij treguesi jemi në vendin e parafundit në BE. Por në 10 vitet e ardhshme, 90% e vendeve të punës në vend do të kërkojnë të paktën një njohuri mesatare të këtyre teknologjive. Aktualisht vetëm 7% e ndërmarrjeve të vogla dhe të mesme ofrojnë trajnime. Të dhënat u prezantuan nga ministrja e punës Ivanka Shallapatova në një konferencë për tranzicionin digjital. Për të kapur hapin, planifikohet të fillojë trajnime në shkallë të gjerë me para sipas Planit të Rimëkëmbjes. Deri në vitin 2027, do të investohen mbi 500 milionë euro për të përmirësuar aftësitë digjitale të të paktën 660 000 njerëzve, tha Shallapatova. Planifikohet gjithashtu në vend të hapen  760 klube digjitale falas për të moshuarit dhe të papunët, bëri të ditur ministrja.