Figurat nga monumenti i Ushtrisë Sovjetike në Sofje do të çmontohen

Figurat nga monumenti i Ushtrisë Sovjetike do të çmontohen brenda 30 ditëve, tha për BNT kryetari i rajonit "Sredec", Trajço Trajkov. "Struktura është në gjendje shumë të keqe. Plani i sigurisë kërkon çmontimin e skulpturave dhe zhvendosjen e tyre në një vend ruajtjeje dhe përfundimisht restaurimin derisa të vijë koha për t'i ekspozuar diku tjetër", shpjegoi kryebashkiaku. Çfarë do të ketë në vendin e monumentit është një pyetje e hapur, tha ai. Administrata rajonale e Sofjes njoftoi se monumenti ka nevojë për restaurim urgjent, i cili kërkon çmontimin dhe zhvendosjen. Monumenti nuk u mirëmbajt gjatë 70 viteve të fundit, për pasojë ka çarje në kallëpe dhe rrezik real të rënies së elementeve nga figurat, thuhet në analizë. Për shkak të rrezikut, monumenti është mbyllur me gardh.