Ukraina nuk heq dorë për të blerë pajisjet për Centralin Atomik Elektrik “Belene”

Ukraina nuk heq dorë për të blerë pajisjet e destinuara për termocentralin e dytë bullgar - "Belene" dhe është e gatshme të paguajë çmimin që ne kërkojmë. Kështu tha ministri i energjetikës Rumen Radev gjatë inspektimit të ndërtimit të lidhjes së gazit me Serbinë. Sipas tij, çmimi do të jetë më shumë se 1.2 miliardë leva (rreth 600 milionë euro) të përcaktuara nga Kuvendi Popullor. Fondet e marra do të drejtohen për ndërtimin e njësive №7 dhe №8 të Centralit Atomik Elektrik “Kozlloduj” me teknologjinë AP 1000 të Westinghouse. Ndërtimi i dy njësive të reja do të jetë fitimprurës për Bullgarinë, u shpreh kategorik Radev, pa specifikuar çmimin.

Fillimisht, vendi ynë donte të mbante një pjesë të pajisjeve për nevojat e dy njësive operative të Centralit Atomik Elektrik “Kozlloduj”- 5 dhe 6, me reaktorë rusë VVER.