Monumenti i Ushtrisë së Kuqe në Sofje po çmontohet

Fillon zyrtarisht çmontimi i Monumentit të Ushtrisë Sovjetike, tha për BNR guvernatorja rajonale e Sofjes Vjara Todeva. Në Kopshtin e Princit në qendër të kryeqytetit, ajo bëri të ditur se skelat rreth piedestalit janë në përfundim të sipër dhe do të nisë heqja e figurave më të larta. “Atëherë gjithçka do të renditet dhe përshkruhet në vend”, shpjegoi ajo dhe këmbënguli se ka çarje serioze në figurat dhe kërkohet çmontimi urgjent. “Ne po planifikojmë një prokurim publik për restaurim dhe figurat do të ekspozohen në Muzeun e Artit Socialist. Po shikojmë edhe një terren të ri, i cili aktualisht është duke u vëzhguar", tha Todeva. Skulptori Marin Markov shpjegoi se arsyeja kryesore e çarjes është se kur u vendos monumenti, u hodh beton në këmbët e ushtarit. "Me kalimin e kohës, uji depërtonte dhe dimrin ngrinte dhe akulli e ndau kallëpin”, shtoi ai.