Ne po synojmë përparim edhe sa u përket kufijve tokësorë të Shengenit

Pavarësisht synimit të deklaruar të Austrisë për të hequr kontrollet në aeroporte, si pjesë e rrugës sonë për në Shengen, ne nuk duhet të pranojmë mungesën e bisedave për kufijtë tanë tokësorë. Këtë qëndrim e ka shprehur për Nova TV kryeministri Nikollaj Denkov, i cili ka theksuar se qëllimi i vendit tonë është që të arrijmë progres edhe në kontrollin e kufijve tokësorë.

“Çështja është të mos qëndrojmë peng i vendimeve që mund të varen nga situata absolute konjukturore, nëse ka apo jo zgjedhje në një vend të caktuar”, komentoi kryeministri.

Me rastin e qëndrimit të deklaruar të Hungarisë për të vendosur veton ndaj anëtarësimit tonë nëse nuk hiqet taksa për tranzitin e gazit rus, Nikollaj Denkov shprehu shpresën se opozita do të ndalojë bojkotin për shkak të çmontimit të Monumentit të Ushtrisë Sovjetike dhe se deputetët do ta votojnë sot vendimin.