Bullgarët në anijen e rrëmbyer “Galaxy Leader” janë mirë

Dy bullgarët që ndodhen në bordin e anijes "Galaxy Leader" të rrëmbyer nga hutët janë në gjendje të mirë shëndetësore, tha për bTV zëvendëskryeministrja dhe ministrja e jashtme Maria Gabriel. “Ka pasur dy kontakte me familjet, ne jemi në kontakt të vazhdueshëm edhe me ta”, shtoi ajo.

Me rastin e krizës me anijen “Ruen”, në të cilën ndodhen tetë marinarë bullgarë, ministrja deklaroi se ka informacion për atë që ka ndodhur që në orën e parë. “Për mua është shumë e rëndësishme që jemi në kontakt të vazhdueshëm me të gjitha institucionet, përfshirë edhe partnerët ndërkombëtarë, të cilët mund të ofrojnë ndihmë në këtë situatë jashtëzakonisht të vështirë. Shëndeti dhe kthimi i bashkatdhetarëve është më i rëndësishmi për mua”, ka komentuar Maria Gabriel.