Radio Bullgaria
bg
en
de
ru
fr
es
sr
el
sq
tr
ro
Artikull
Atmosfera festive në Sofje vjen përmes artit, profesioneve krijuese dhe aromës së çokollatës dhe verës
Shtunë 23 Dhjetor 2023 02:30
Shtunë, 23 Dhjetor 2023, 02:30
Foto: Pazari i Arteve dhe Artizanatit
Madhësia e shkronjave
Organizatorët e Pazarit të Krishtlindjeve të Arteve dhe Artizanatit na ftojnë në një ambient të bukur dhe mikpritës. Ai mbyllet sot më 23 Dhjetor në hapësirën e aksesueshme të Grand Hotel Sofia dhe në një pjesë të Kopshtit të Qytetit, që ndodhet pranë hotelit.
Снимка: Базар на изкуствата и творческите занаяти
Gjithçka që ofron pazari është unike dhe e çmuar sepse është bërë nga artistë dhe mjeshtër të talentuar bullgarë. Në të mund të shihni një shumëllojshmëri të madhe bizhuterish, aksesorësh, dekorimesh për Krishtlindje, prodhime prej lëkure, piktura, llamba, suvenire, veshje të thurura me dorë, si dhe një shumëllojshmëri produktesh kozmetike të kombinuara me vajra esencialë.
Fryma e Krishtlindjes plotësohet nga aroma e verës së ngrohtë, kanellës, çokollatës dhe produkteve të shijshme të fermës, të servirura me finesë dhe komplimenta nga prodhuesi. Personazhi kryesor në pritjen e të ftuarve në pazar është vetë Babagjyshi. Ai pret me buzëqeshje dhe urime festive, veçanërisht qytetarët e vegjël të kryeqytetit, të cilët mund të bëjnë foto me të në hyrje të Kopshtit të Qytetit.
FOTO: Снимка: Базар на изкуствата и творческите занаяти
Foto: Pazari i Arteve dhe Artizanatit
Përgatiti në shqip dhe publikoi: Kostandina Bello
Publikoi / Publikuan: БНР екип