Presidenti dekoroi me një simbol nderi ushtarakët bullgarë në KFOR

Rumen Radev ia dorëzoi simbolin e nderit të presidentit kontingjentit bullgar në KFOR. Gjatë takimit me kontingjentin në Kosovë, Radev ka biseduar edhe me komandantin e misionit ndërkombëtar, gjenerali Özkan Ulutas. Bullgaria merr pjesë në misionin paqeruajtës të NATO-s në Kosovë që nga viti 2000. Gjatë kësaj kohe, ushtria bullgare ka kryer detyra të ndryshme. Mbi 1700 bullgarë kanë marrë pjesë në operacionin e KFOR-it.

Presidenti i tha përbërjes së tanishme se ata e përfaqësojnë Bullgarinë në mënyrë dinjitoze: "Më lejoni t'ju falënderoj për mënyrën profesionale dhe të përgjegjshme në të cilën po e kryeni këtë mision të rëndësishëm. Ai ka një ndikim të madh në sigurinë dhe stabilitetin e të gjithë rajonit, përfshirë Bullgarinë. Ju e dini shumë mirë se çfarë ndodhi në shtator në Banska, gjë që tregoi se sa i brishtë është mjedisi i sigurisë këtu", shpjegoi presidenti.