Tashmë po shesin bileta për fluturime direkte verën Varna – Paris – Varna

Në verën e vitit 2024 do të ketë fluturime të rregullta nga Varna deri në Paris, njoftuan për Agjencinë Telegrafike Bullgare /BTA/ nga aeroporti në qytetin e Detit të Zi. Fillimi zyrtar do të jetë më 12 prill. Avionët do të ulen në aeroportin “Orly” në kryeqytetin francez. Ato do të realizohen çdo të premte të javës deri më 27 shtator. Aeroporti saktësoi se biletat tashmë janë në shitje dhe në fillim, në muajin prill, çmimi do të jetë 69 euro.

Kompania transportuese ka kryer për herë të fundit fluturime charter në itinerarin për në Varna në vitin 2017. Koncesionari i aeroportit në qytetin bregdetar theksoi se ata po vazhdojnë të punojnë në mënyrë aktive për hapjen e linjave të reja dhe për tërheqjen e më shumë linjave ajrore në destinacion.