Më shumë se gjysma e bullgarëve janë kundër fishekzjarrëve të Vitit të Ri

Më shumë se gjysma e bullgarëve të rritur - 55,5% - janë kundër përdorimit të mjeteve piroteknike në natën e Vitit të Ri. Këtë e tregon një sondazh sociologjik i “Gallup International Balkan” i porositur nga Televizioni Kombëtar Bullgar /BNT/. 32.2% janë “për”. Pjesa tjetër nuk ka asnjë mendim.

Në Sofje, përdorimi i pajisjeve piroteknike lejohet nga ora 18:00 e datës 31 dhjetor deri në orën 02:00 të 1 janarit. Sipas Urdhëresës së Këshillit Bashkiak të Sofjes, përdorimi i mjeteve piroteknike jashtë orarit të Vitit të Ri është i ndaluar, por ndalimi shpesh shkelet.