Duan të rrisin dhe të përmirësojnë kapacitetet e qendrave të refugjatëve në vend

Me 3600 vende, qendrat e refugjatëve janë plot 72%, tha për BNT Mariana Tosheva, kryetare e Agjencisë Shtetërore për Refugjatët. Ajo bëri thirrje që kapaciteti të rritet në numrin e vjetër prej 5000 vendesh. “Kemi 6 qendra të pritjes së refugjatëve, dy prej të cilave janë plot 104%. Qendra në “Ovça Kupell”, ku janë kryesisht të mitur, ka 370 fëmijë. Qendra tjetër e plotë është “Vraxhdebna” po në Sofje. Në vitin 2023, sipas Marrëveshjes së Dublinit në Bullgari u kthyen 590 emigrantë nga BE-ja. Nga Austria janë 113. Marrëveshja e Dublinit nuk funksionon, sidomos me një fluks të madh migrantësh, prandaj u zhvillua mekanizmi i solidaritetit, theksoi Tosheva. Është shumë e rëndësishme që BE-ja të ketë një qëndrim të unifikuar për vendet e origjinës, jo që secili vend të negociojë veçmas, tha gjithashtu Tosheva dhe vuri në dukje se, përveç nga Siria dhe Afganistani, ka shumë emigrantë nga Maroku, Tunizia dhe Iraku.