Artikull

Një shëtitje nëpër shpatet e maleve bullgare

Premte 5 Janar 2024 15:37

Premte, 5 Janar 2024, 15:37

Një shëtitje nëpër shpatet e maleve bullgare

FOTO: BTA

Madhësia e shkronjave

Këtë dimër filloi me mot jashtëzakonisht të ngrohtë, por ndërsa ende nuk ka dëborë në rrafshinat e ulëta, në shpatet më të larta të maleve situata është krejt e ndryshme. Në saj të kësaj në disa pushimore sezoni i skive u hap zyrtarisht ditë më parë.

FOTO: БТА

Shumë njerëz zgjedhin malin Vitosha, afër Sofjes, si një vend për të kaluar ditët e tyre të pushimit dhe për t'u kënaqur me hobin e tyre të preferuar.

FOTO: БТА

Mijëra bullgarë dhe të huaj e mirëpritën Vitin e Ri në Bansko. Qyteti i zhytur në mesë të shpateve të malit Pirin është një destinacion i preferuar për shumë turistë nga vendet fqinje – Greqia, Maqedonia e Veriut, Serbia dhe Rumania.

FOTO: БГНЕС

Këtë sezon dimëror pushimorja Borovec në Rilla është i stërmbushur nga turistë. Moti i mirë lejon skijimin si dhe shëtitjet në mal.

Vendpushimi Pamporovo në Rodopet, i cili këtë muaj për herë të parë në historinë e tij do të presë Kupën e Botës në Snowboard, tashmë ka mirëpritur turistët e parë - adhurues të turizmit dhe të skive. Nga të gjithë mysafirët më të vegjlit janë më të pasionuarit.

FOTO: pamporovo.me

Ndonëse nuk mund të krahasohet me vendpushimet më të mëdha dimërore në vendin tonë, rajoni i skive Kartalla, i vendosur vetëm 25 km larg qytetit Bllagoevgrad në malin Rilla, ka një teleferik dhe gjithashtu tërheq entuziastë të shumtë të sporteve dimërore.

FOTO: БГНЕС

Përpilues: Ivan Petrov

Përgatiti në shqip dhe publikoi: Svetllana Dimitrova

Foto: BTA, BGNES, pamporovo.me

Publikoi / Publikuan: БНР екип