Bullgaria, Rumania dhe Turqia krijojnë një grup për pastrimin e minave në Detin e Zi

Zëvendësministri i mbrojtjes Atanas Zaprjanov niset sot, më 10 janar, për një vizitë në Turqi. Ai është autorizuar me vendim të Këshillit të Ministrave të nënshkruajë një memorandum midis Bullgarisë, Rumanisë dhe Turqisë për krijimin e një grupi detar për pastrimin e minave në Detin e Zi (MSM Black Sea). Nënshkrimi do të bëhet më 11 janar në Stamboll. Krijimi i MCM Black Sea u propozua nga Turqia në gusht 2023 për të garantuar sigurinë e korsive detare në Detin e Zi dhe për të kundërshtuar kërcënimin nga agresioni rus në Ukrainë. MCM Black Sea është tërësisht paqësor dhe nuk është i drejtuar kundër ndonjë vendi tjetër. Misioni pritet të ndihmojë në përmirësimin e ndërveprimit dhe të marrëdhënieve të fqinjësisë së mirë midis pjesëmarrësve, pa zëvendësuar aktivitetet, praninë dhe mbrojtjen e NATO-s në Detin e Zi, bëri të ditur Ministria e Mbrojtjes.