SHBA nuk i ka kërkuar Bullgarisë ndihmë ushtarake shtesë për Ukrainën

Gjatë vizitës së delegacionit bullgar në Uashington, nuk janë bërë kërkesa shtesë për ndihmë në Ukrainë, tha ministri i mbrojtjes Todor Tagarev për korrespondentin e BNR në SHBA, Svetosllav Kozllovski. Tagarev tha se aleatët amerikanë dhanë një vlerësim shumë të lartë për veprimet e kabinetit për të modernizuar ushtrinë "për të qenë një aleat i denjë në NATO". Buxheti i rritur i mbrojtjes lejon rritjen e kapacitetit për të penguar kundërshtarët e mundshëm dhe për të mbrojtur territorin tonë, shpjegoi ministri. Në takimet e tij në Uashington u diskutua për ndërtimin e infrastrukturës për formacionet shumëkombëshe në vend. "Një theks tjetër ishte tek ndihma për Ukrainën, e cila është një element themelor i politikës sonë, pasi me Ukrainën ne mbrojmë edhe veten ", shpjegon ministri.