Policia po kontrollon pronat e biznesmenit Vasill Bozhkov

Ekipet e Drejtorisë Metropolitane të Punëve të Brendshme dhe të policisë kombëtare po kontrollojnë pronat e biznesmenit Vasill Bozhkov, i cili u kthye nga Dubai në gusht të vitit të kaluar, mësoi BNR.

Sipas burimeve anonime, policia është duke kërkuar prova në lidhje me vrasjen e biznesmenit Aleksej Petrov.

Që nga gushti Vasill Bozhkov është në arrest shtëpiak me gjithsej 19 akuza – mes tyre për mospagesë të taksave të lojërave të fatit, që e ka dëmtuar shtetin me 700 milionë leva, si dhe për nxitje të katër vrasjeve.