Bullgaria, Greqia dhe Rumania do të zhvillojnë projekte të përbashkëta

Në një takim në Athinë, ministrat e energjisë të Bullgarisë, Greqisë dhe Rumanisë nënshkruan një deklaratë trepalëshe për zhvillimin e një sërë nismash në fushën e energjisë së rinovueshme në rajon. Të tre vendet do të bashkëpunojnë në përgatitjen e projekteve të përbashkëta ndërkufitare për energjinë e erës off-shore, hidrogjenin nga burimet e rinovueshme të energjisë dhe infrastrukturën e karikimit të automjeteve elektrike.

Dokumenti parashikon që Bullgaria, Greqia dhe Rumania të mbështesin dhe promovojnë një nismë të përbashkët për të eksploruar dhe zhvilluar përdorimin e qëndrueshëm të potencialit të erës off-shore në Detin e Zi dhe Egje. Të tre vendet do të aplikojnë së bashku për statusin ndërkufitar të burimeve të rinovueshme të energjisë lidhur me ftesën aktuale të Mekanizmit për Lidhjen e Evropës.