Po rritet interesi për makinat elektrike në Bullgari

Pavarësisht çmimit të lartë dhe numrit të pamjaftueshëm të stacioneve të karikimit dhe infrastrukturës përkatëse, makinat elektrike po gëzojnë një interes në rritje në Bullgari, thekson faqja e internetit Investor BG.

Sipas një referimi të botimit elektronik, në vitin e kaluar 2023 në vendin tonë janë regjistruar 2522 makina të reja elektrike, që përfaqëson 5.9% të tregut total të makinave të reja në vend. Për krahasim, në vitin 2022 makinat elektrike të regjistruara ishin 1176, duke përbërë 3.5% të totalit të tregut.

Vitin e kaluar numrit të automjeteve të reja elektrike i janë shtuar 3041 të përdorura, çka konfirmon kategorikisht kërkesën në rritje për makina elektrike. Krahas kostos së ulët të lëvizjes, një faktor i rëndësishëm për blerësit e kësaj lloj makine është parkimi falas në mjedisin urban, pavarësisht nga limitet e paguara për orë për qëndrimin në zonat Blu dhe Jeshile.

• Bum i importit të makinave elektrike dhe hibride në vendin tonë

Foto: EVN Bullgari
Përgatiti në shqip dhe publikoi: Kostandina Bello