Misioni kërkimor bullgar në Antarktidë ka zbuluar mbetjet e një avioni të rrëzuar

Në ishullin Livingston, pjesëmarrësit në ekspeditën e 32-të bullgare në Antarktidë, Dojçin Bojanov, Kalin Najdenov, Kirill Doskov dhe Março Paunov, zbuluan mbetjet e një aeroplani. Kjo ndodhi gjatë marrjes së mostrave gjeologjike në False Bay dhe Cape Bernard Point, transmeton BTA. Mbeturinat së bashku me mostrat u ngarkuan në anijen kërkimore-shkencore "Shenjtorët Kirili dhe Metodi".

Nga inspektimi dhe studimi i rrënojave, supozohet se ato janë nga një avion transporti ushtarak kilian C-130 "Herkules", i cili në vitin 2019 u zhduk në zonën e ngushticës së Drake gjatë një fluturimi nga Punta Arenas në ishullin King George. Anija "Shenjtorët Kirili dhe Metodi" e ka informuar Komandën Ajrore Kiliane të Antarktidës. Mbetjet e gjetura me koordinatat e sakta të zbulimit do t'i dorëzohen bazës ushtarake kiliane në ishullin King George kur anija bullgare të arrijë në Gjirin Maxwell më 31 janar.

• Shkencëtarët bullgarë krijojnë pajisje për të studiuar lëvizjen e akullnajave në Antarktidë

Foto: BTA