Presidenti nuk e respektoi betimin e gjyqtarëve të rinj kushtetues

Në një ceremoni zyrtare në Gjykatën Kushtetuese, kanë bërë betimin gjyqtarët e sapozgjedhur nga kuota parlamentare Desisllava Atanasova dhe Borislav Bellazelkov. Presidenti Rumen Radev, i cili më herët kontestoi zgjedhjet e tyre para institucionit, mungoi në aktivitet.

Sipas kreut të shtetit, betimi për respektimin e Kushtetutës në sfondin e dyshimeve serioze për shkeljen e saj është i paarsyeshëm. “Presidenti nuk pranon që fjalët të kundërshtojnë veprimet dhe ceremonia të zëvendësojë parimet”, thuhet në qëndrimin e lëshuar nga zyra e shtypit e Presidencës.

Megjithatë, ceremonia u nderua nga kryetari i Asamblesë Kombëtare Rosen Zheljazkov, kryetarja e Gjykatës së Lartë të Kasacionit Galina Zaharova dhe kryetari i Gjykatës së Lartë Administrative Georgi Çollakov.

• Protesta kundër betimit të ardhshëm të gjyqtarëve të rinj kushtetues

• Këshilli i Lartë i Avokatëve është deklaruar kundër zgjedhjes së gjyqtarëve kushtetues

• Presidenti apelon në gjykatë për zgjedhjen e gjyqtarëve kushtetues