Filloi vizita e ministrit të jashtëm turk në Sofje

Ministri i jashtëm i TurqisëHakan Fidan ndodhet për një vizitë zyrtare në Bullgari. Në Sofje, vizita filloi në mbrëmjen e 29 janarit me një takim me kryetarin e dorëhequr të Lëvizjes për të Drejta dhe Liri (DPS). Mustafa Karadayı e cilësoi takimin si një takim protokolli. “Diskutuam për marrëdhëniet e fqinjësisë së mirë dhe miqësore mes Bullgarisë dhe Turqisë”, thuhet në mesazhin në Facebook. Në to mori pjesë edhe ambasadorja e Turqisë në Bullgari Aylin Sekizkök.

Në Sofje, përveç koleges së tij bullgare Maria Gabriel, Fidan ka planifikuar bisedime me përfaqësues të autoriteteve legjislative dhe ekzekutive në Bullgari, si dhe me kryemyftiun.

Turqia është importuesi i dytë më i madh i mallrave në Bullgari dhe partneri i katërt më i madh tregtar për nga vëllimi. Bilanci negativ në tregtinë dypalëshe është rritur me shpejtësi gjatë 4 viteve të fundit, duke kaluar 1.8 miliardë euro, sipas informacioneve të Ministrisë së Ekonomisë dhe Industrisë.