Ministri turk u takua në Sofje me kryeministrin dhe presidentin

Kryeministri Nikollaj Denkov u takua me ministrin e jashtëm turk Hakan Fidan, i cili ishte për një vizitë zyrtare në Sofje, njoftoi BTA. Të dy ishin kategorik se bashkëpunimi i shkëlqyer duhet të vazhdojë edhe në fushën e sigurisë dhe stabilitetit në rajon. Veprimet e përbashkëta në luftën kundër migracionit të paligjshëm dhe kontaktet e frytshme ndërmjet institucioneve përgjegjëse të të dy vendeve janë kyçe jo vetëm për Evropën Juglindore, por edhe për të gjithë Evropën.

Kryetari i Kuvendit Rosen Zheljazkov dhe mysafiri turk diskutuan për mundësitë për thellimin dhe zgjerimin e bashkëpunimit tregtar-ekonomik dhe sektorial midis Bullgarisë dhe Turqisë. Turqia është një nga partnerët kryesorë të huaj ekonomikë dhe tregtarë të Bullgarisë, si dhe një investitor strategjik në Bullgari. Turqia është e rëndësishme për garantimin e sigurisë së furnizimit me energji për vendin dhe BE-në dhe ne e vlerësojmë mbështetjen e saj për sigurinë energjetike përmes diversifikimit të rrugëve, tha Zheljazkov në takimin në parlament.

Zgjerimi i transportit, energjisë dhe lidhjes dixhitale midis Bullgarisë dhe Turqisë do të kontribuojë në zhvillimin ekonomik, stabilitetin dhe sigurinë jo vetëm të dy vendeve, por edhe të gjithë Evropës. Kështu deklaroi presidenti Rumen Radev në një takim me diplomatin e parë të Turqisë, njoftoi zyra e shtypit e institucionit. Hakan Fidan gjithashtu ka prioritet thellimin e lidhjes mes dy vendeve.