Zbuluan një kanal trafiku emigrantësh deri në kufirin rumun

Drejtoria kryesore "Policia Kufitare" ka kryer një operacion në territorin e Sofjes dhe Pernikut në gjurmët e një kanali të trafikut të emigrantëve nga kufiri turk deri në atë rumun. Veprimtaria kriminale e grupit filloi pas forcimit të kontrollit kufitar në kufirin bullgaro-serb, njofton MPB. “Policia Kufitare” filloi punën për rastin pasi në rajonin e Silistrës u zbuluan disa tentativa për të transferuar emigrantë të paligjshëm përtej kufirit me Rumaninë. Një pjesë e të arrestuarve kanë rekrutuar emigrantë kryesisht në kryeqytet, të cilët kanë hyrë në Bullgari në periudhat e mëparshme dhe janë regjistruar në Agjencinë Shtetërore për Refugjatët.

Gjashtë persona janë ndaluar. Gjithashtu janë sekuestruar automjetet e përdorura për transportin e emigrantëve.