Qyteti Burgas shënon 146 vjetorin e çlirimit

Një sërë ngjarjesh në qytetin Burgas kujtojnë vitin e largët 1878, kur qyteti u çlirua nga skllavëruesit osmanë. Në këtë ditë, 146 vjet më parë, Skuadra Fluturuese e komanduar nga koloneli Aleksandër Lermontov u prit me entuziazëm nga qytetarët e Burgasit.

Programi festiv filloi me një ritual ushtarak solemn të ngritjes së flamurit kombëtar të Republikës së Bullgarisë dhe flamujve të Bashkimit Evropian dhe të Bashkisë së qytetit Burgas dhe një lutje për mirëqenien e banorëve të qytetit. Në Memorialin e të rënëve në Luftën Çlirimtare Ruso-Turke të viteve 1877-1878 u bënë homazhe  dhe u vendosën kurora dhe për nder të atyre që sakrifikuan jetën për Çlirimin. U bënë homazhe dhe u vendosën kurore edhe para Pllakës Përkujtimore të gjeneralit Aleksandër Lermontov dhe Monumentit të Infermierisë Ruse në Kopshtin Detar.