Artikull
Të dashuruarit me dashurinë dhe verën festojnë një javë të tërë në qytetin bullgar Trjavna
Mërkurë 7 Shkurt 2024 04:30
Mërkurë, 7 Shkurt 2024, 04:30
"Sënduku i dashurisë" në shtëpinë e familjes Sllavejkovi në Trjavna
FOTO: FB / Tryavna Museum
Madhësia e shkronjave
Java e Verës dhe e Dashurisë fillon që nga 7 shkurti në qytetin malor bullgar Trjavna. Iniciativa është pjesë e festës ndërkombëtare të Javës së Martesës, dhe për këtë arsye ritualet e dasmës gjatë kësaj periudhe do të kryhen pa pagesë nga kryetari i komunës, Denço Minev.
Në ditën e fundit të festës – 14 shkurt do të krasiten hardhitë në Kompleksin “Çukara”. Më pas kryetari i bashkisë do të përgëzojë edhe të gjithë çiftet nga vendbanimet në komunën e Trjavnës, të cilët në vitin 2024 festojnë një dasmë diamante dhe hekur, pra 60 dhe 65 vjet nga martesa, dhe do të rinovojnë personalisht betimet e tyre martesore.
Hyrja në Muzeun "Shtëpia e familjes Sllavejkovi" do të jetë falas, në mënyrë që më shumë vizitorë të mund t'i lënë mesazhet e tyre një personi të dashur në "Sënduk dashurie". Qëllimi është që njerëzit të kthehen prapa në kohë dhe të prekin poezitë lirike të Petko Sllavejkovit dhe letrat e poetit të madh Penço Sllavejkov për të dashurën e tij Mara Bellçeva.
Një stol i madh me zemër në qendër të qytetit do të presë të dashuruarit në Javën e Verës dhe Dashurisë, ku do të krijojnë një kujtim të paharrueshëm.