Një kompani rumune duhet të transportojë transportuesit e blinduar bullgar në Ukrainë

Ka përfunduar procedura për largimin e mjeteve të blinduara të tepërta në vend. Ato u mblodhën në Sofje. Për dërgesën në Ukrainë, pritet që një kompani rumune të rregullojë orarin e largimit, tha për BNT Zëvendësministri i Mbrojtjes Atanas Zaprjanov. Financimi i transportit është 100% i jashtëm, por kjo e vonon dorëzimin. Ministria po diskuton edhe financimin e brendshëm kombëtar për të përshpejtuar procedurën.

Zaprjanov konfirmoi ndërtimin e një baze të NATO-s pranë qytetit Jamboll. “Po flasim për një zonë kazerme bullgare, në të cilën do të ketë dislokim ndërkombëtar. Kjo zonë kazerme do të akomodojë trupa, por ne kemi instalime, si aeroporte, baza dhe objekte të tjera, që janë gjithashtu objekte ushtarake pranë qyteteve të tjera. Përveç rajonit të Kabilesë, ne kemi edhe objekte të tjera ushtarake me rëndësi më të madhe”, theksoi Zaprjanov.