Kryeministri Nikollaj Denkov bëri thirrje për dialog pas përplasjes me partnerët nga jo-koalicioni

Me rastin e mosmarrëveshjeve për memorandumin e qeverisjes të propozuar nga “Po e vazhdojmë ndryshimin – Bullgaria Demokratike” (PP-DB) dhe refuzimin e GERB-SDS për nënshkrimin e tij, kryeministri Nikollaj Denkov theksoi se “është normale që palët të ulen në tryezën e bisedimeve”, njoftoi qendra e shtypit e Këshillit të Ministrave. Para takimit të ministrave, Denkov theksoi se populli pret që negociatorët me argumente të arsyeshme dhe me ton të qetë të gjejnë zgjidhjet e duhura në mënyrë që reformat të çohen përpara dhe të arrihen qëllimet e përbashkëta. Sipas Denkov, qeveria ka punuar për gati nëntë muaj dhe ka arritur rezultate. “Në një strukturë politike jashtëzakonisht komplekse, ne kemi treguar se mund të dialogojmë me njëri-tjetrin, palët e interesuara dhe partnerët. Ne kemi treguar se mund të marrim vendime në favor të popullit”, theksoi Denkov.