Ngjyrat e flamurit të Ukrainës do të ndriçojnë ndërtesën e Këshillit të Ministrave

Më 24 shkurt, nga ora 18:00 deri në orën 24:00, me rastin e dyvjetorit të luftës së Rusisë kundër Ukrainës dhe dhjetëvjetorit të aneksimit të Gadishullit të Krimesë, ndërtesa e Këshillit të Ministrave do të ndriçohet me ngjyrë blu dhe të verdhë - ngjyrat e flamurit të Ukrainës, njoftuan nga zyra e shtypit e qeverisë. Iniciativa është e ministrit të mbrojtjes Todor Tagarev dhe përkrahet nga kryeministri Nikollaj Denkov.

Me këtë mesazh, Bullgaria u jep kurajo ukrainasve që të vazhdojnë betejën e tyre heroike dhe t'u tregojnë se nuk janë vetëm në të. Kjo është edhe një shenjë për qytetarët bullgarë që të mbështesin lirinë, pavarësinë dhe integritetin territorial të shteteve dhe të kundërshtojnë agresionin e regjimeve autoritare. Ndriçimi i ndërtesave historike me ngjyrat e flamurit ukrainas dhe vendosja e flamujve ukrainas simbolizon gjithashtu unitetin mes partnerëve në Bashkimin Evropian dhe NATO.