Skandal në parlament për emigrantët e kthyer nga Gjermania në Bullgari

Grindje të ashpra në sallën plenare shkaktuan informacionet e paraqitura nga BSP për 23 emigrantë të cilët u kthyen me çarter nga Mëniku në Sofje më 8 shkurt të këtij viti.Sipas socialistëve, gjashtë nga të riatdhesuarit ishin "të dënuar me ligj, ndër të tjera, për vrasje, vrasje nga pakujdesia, lëndime të rënda trupore, krime seksuale, grabitje të rëndë dhe pastrim parash", njoftoi BTA. Udhëheqësja e BSP Kornelija Ninova pyeti ministren e jashtme Maria Gabriel çfarë marrëveshjesh janë bërë dhe sa dhe çfarë lloj njerëzish duhet të kthehen në Bullgari sipas Rregullores së Dublinit.Gabriel tha se pyetjet e parashtruara lidhur me përgjegjësinë penale dhe bashkëpunimin policor nuk janë në kompetencë të MPJ-së, por të MPB-së. Skandali u shua pasi ministri i brendshëm Kalin Stojanov shpjegoi se ka pasur një fluturim të tillë me 24 persona, dhe 6 kriminelët e kthyer nga Gjermania janë bullgarë që kanë vuajtur dënimin, pjesa tjetër janë sirianë që nuk janë dënuar.