Festimet e festës kombëtare nisën nga qyteti i Kazanllëkut

“Dita e tretë e marsit është dita kur Bullgaria u çlirua, mori sovranitetin e saj kombëtar dhe qëndroi me krenari në hartën e Evropës si një vend i barabartë me vendet e tjera evropiane. Përshëndetje heronjve, rroftë Bullgaria!”.

Kështu deklaroi në prag të festës kombëtare, 3 mars, kryetari i Asamblesë Kombëtare, Rosen Zheljazkov, gjatë ceremonisë ushtarake me fishekzjarrë në Kazanllëk (Bullgaria Qendrore). Në ceremoni ai përshëndeti kompanitë përfaqësuese të ushtrisë bullgare dhe mbajti një fjalim.

Festimet nisën me një ceremoni të spërkatjes së ujit të bekuar për shëndetin dhe prosperitetin e popullit bullgar, të drejtuar nga Mitropoliti Qiprian i Stara Zagorës dhe me ngritjen e flamurit kombëtar para ndërtesës së Bashkisë së Kazanllëkut.

Festimet zyrtare do të zhvillohen sot para Monumentit të Lirisë në majën Shipka dhe në sheshin "Kuvendi Popullor" në Sofje.