Presidenti ka nisur konsultimet politike

Kanë nisur konsultimet dyditore të presidentit me forcat politike të përfaqësuara në parlament. Më 11 mars, kreu i shtetit foli me GERB-SDS, "Po e vazhdojmë ndryshimin - Bullgaria Demokratike" (PP-DB) dhe Lëvizja për të Drejtat dhe Liritë (DPS). Konsultimet me “Vëzrazhdane”, Partia Socialiste Bullgare (BSP) dhe “Ka një popull të tillë” (ITN) janë planifikuar për të martën. Sipas Kushtetutës, pas konsultimeve, kreu i shtetit i jep mandatin për formimin e qeverisë një kandidati për kryeministër nga grupi më i madh parlamentar GERB-SDS. Në Kushtetutë nuk ka një afat kohor në të cilin presidenti duhet të japë mandatin pas konsultimeve. Pasi i jep Maria Gabrielit, të propozuar si kryeministre, ajo ka 7 ditë kohë për ta kthyer me propozim për përbërjen e një qeverie ose për të kthyer një mandat të paplotësuar. Kushtetuta parashikon dhënien e mandatit forcës së dytë politike dhe, në rast dështimi, edhe një pale të tretë të emëruar nga Presidenti. Nëse përpjekja e tretë për të formuar një qeveri është e pasuksesshme, do të mbahen zgjedhje të parakohshme.