BE mbështet Kristalina Georgieva për një mandat të dytë në krye të FMN-së

Vendet e BE-së mbështesin bullgaren Kristalina Georgieva për një mandat të dytë në krye të Fondit Monetar Ndërkombëtar (FMN). Lajmin e bëri të ditur sot zëvendëskryeministri belg Vincent van Peteghem pas takimit të ministrave të ekonomisë dhe financave të BE-së në Bruksel.

Sipas tij, kjo është shprehje e besimit të tyre ndaj Georgievës dhe punës së saj.

Tradicionalisht, postin e drejtorit menaxhues të FMN-së e mban një përfaqësues nga Evropa, dhe atë të Bankës Botërore - një përfaqësues nga SHBA. Prandaj, mbështetja në nivel evropian është thelbësore për nominimin. Vendimi përfundimtar merret nga Bordi i Drejtorëve Ekzekutiv të Fondit, i cili përbëhet nga 24 persona që përfaqësojnë votat e vendeve anëtare individuale.

• Bullgarja Kristalina Georgieva është ndër 15 gratë me ndikim më të madh në botë