Dy punonjës të policisë kufitare janë ndaluar pasi kanë marrë ryshfet nga dy shqiptarë

Dy policë kufitarë bullgarë janë arrestuar pasi kanë marrë ryshfet prej 150 eurosh nga dy shqiptarë në pikën kufitare “Gjueshevo” në kufirin me Maqedoninë e Veriut, njoftoi korrespondenti i BNR, Kirill Falin. Edhe dy shqiptarët janë ndaluar. Rasti është i së shtunës së datës 23 mars në mbrëmje. Shqiptarët kanë kërkuar që një person me iniciale S.L. të lejohet të largohet nga Bullgaria pa u ndëshkuar për qëndrim të tepërt në vend. Ryshfeti i propozuar është pranuar nga zyrtarët që mbanin pozitë zyrtare përgjegjëse.